УЛС ТӨР

Баг бүрт мал угаах суурин банныг суурьлуулсанаар жилд 500-600 тэрбум төгрөгийн ашигтай ажиллана

Өнгөрсөн амралтын өдөр  /2019.09.01/ УИХ-ын гишүүн Г.Тэмүүлэн уг хуулийн хэрэгжилтийг хангаж өөрийн тойрогтоо хэрхэн ажиллаж байгаа талаар ХХААХҮ-ийн сайд Ч.Улаан болон бусад албаны хүмүүст танилцуулж, мал угаалгын үзүүлэх сургалтыг Архангай аймгийн Булган суманд  зохион байгууллаа.Үзүүлэх сургалтаар суурин баннд болон зөөврийн угаалгын төхөөрөмжөөр бог малыг угааж, бод малыг зориулалтын шүршигчээр угаалгад хамруулсан юм. Анхан шатны нэгж буюу баг, сум суурин баннтай болсноор богино хугацаанд түргэн шуурхай малаа угаалгад хамруулах боломж бүрдэж байна.  Мөн уг банныг цаашид олон жил ашиглах боломжтой учир төсөвт ч хэмнэлт гарч байгааг УИХ-ын гишүүн Г.Тэмүүлэн онцолж байлаа. Монгол малыг эрүүлжүүлэх аяныг Архангайчууд санаачилж, баг бүр суурин баннтай болж байна. Цаашид улс даяар 1500 гаруй баг бүрт суурин банныг суулгаснаар нэг жилдээ 500-600 тэрбум төгрөгийн ашигтай байх боломжтой гэдэг тойм судалгааг гаргасан байна.

ХХААХҮ-ийн сайд Ч.Улаан мал угаалгад малчдыг бүрэн хамруулахын тулд суурин болон зөөврийн угаалгын ваннаар хангах, хөдөлмөр, хүн хүчийг хэмнэсэн орчин үеийн арга, технологитой хослуулах боломжоор хангах ажил ийнхүү орон даяар өрнөж байна. Энэ жилээс эхлэн малын угаалгыг жилд хоёр удаа тогтмол зохион байгуулж байхаар болсон гэдгийг тодотгосон юм.

Чанарын шаардлага хангахгүй байгаа учир хонины нэхий үнэгүйдсээр өнөөдөр 500 төгрөгний үнэ хүрэхгүй байна. Тэгвэл мал сүргийг тарилга, туулгалт, угаалга, боловсруулалтын арга хэмжээнд тогтоосон хугацаанд нь  бүрэн хамруулснаар арьсны  шимэгчтэх  өвчнөөс урьдчилан сэргийлж, арьс, ширний чанар болон ноос ноолуурын гарцыг мэдэгдэхүйц хэмжээгээр сайжруулахад чухал  ач холбогдолтой байдаг. Ийнхүү Мал, амьтны эрүүл мэндийн тухай хууль, Малын генетик нөөцийн тухай хуулийн улс орон даяар хэрэгжиж эхнээсээ тодорхой үр дүн гарч эхлээд байна хэмээн Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.

ХОЛБООТОЙ МЭДЭЭ
УЛС ТӨР

Ноён уул орчмын газрын тусгай хамгаалалтыг өргөтгөж, дархан цаазтай болгоно

Засгийн газрын ээлжит хуралдаан 2019 оны 09 дүгээр сарын…
ЦААШ УНШИХ
УЛС ТӨР

Азийн худалдааг дэмжих байгууллагуудын удирдлагын түвшний 32 дахь удаагийн чуулган эхэллээ

Монголын Улсын Ерөнхий сайд У.Хүрэлсүх Азийн…
ЦААШ УНШИХ
УЛС ТӨР

Үндсэн хуулийн нэмэлт, өөрчлөлт батлагдвал Ашигт малтмалын тухай хуульд өөрчлөлт оруулна

Үндсэн хуульд оруулах нэмэлт, өөрчлөлтийн төслийн…
ЦААШ УНШИХ
БҮРТГЭЛ
ШИНЭ МЭДЭЭ ХҮЛЭЭН АВАХ

ШИНЭ МЭДЭЭ МЭДЭЭЛЛИЙГ ЦАГ АЛДАЛГҮЙ ХҮЛЭЭН АВААРАЙ

Хариулт үлдээх

Таны и-мэйл хаягийг нийтлэхгүй.