Засгийн газар 600 сая ам.долларын “Номад” буюу “Нүүдэлчин” бондыг босгожээ

Сангийн сайд Ч.Хүрэлбаатар Засгийн газар, Монголбанк хамтран 5.125 хувийн хүүтэй, 5.5 жилийн хугацаатай $600 сая долларын өртөг бүхий “Номад” бондыг аравдугаар  босгосон болон “Чингис” бондын төлбөрийг хойшлуулж байгаа тухай мэдээллийг Сангийн сайд Ч.Хүрэлбаатар өглөө.

Энэхүү бонд нь 2017 онд 10.0875 хувийн хүүтэй босгож байсан “Мазаалай” бондоос хоёр дахин бага хүүтэй аж. Мөн эдийн засаг 17 хувийн өсөлттэй байсан үетэй ижил үнээр COVID-19-тэй, эдийн засгийн өсөлт саарсан, төсвийн алдагдал өндөр байгаа энэ үед 600 сая ам.доллар босгож чадсанаараа онцлог бөгөөд энэ мөнгө Монгол Улсад орж ирэхгүй аж. Харин 600 сая ам.долларын бондын мөнгөөр “Мазаалай” бондыг дахин санхүүжүүлж, “Чингис” бондын төлбөрийг хойшлуулж байгаа юм байна.

Ингэснээр хүүгийн зөрүүгээс 26.5 сая ам.доллар буюу 70 гаруй тэрбум төгрөгийг хэмнэж, Монгол Улс жилд бондуудын зөвхөн хүүгийн төлбөрт 203 сая ам.доллар төлдөг бол “Номад” бондыг гаргаснаар жилд төлөх хүүгийн төлбөр 167.4 сая ам.доллар болж буурч байгаа аж. Ингээд 2021, 2022 онд “Мазаалай” бондын $500 сая, “Чингис” бондын $1 тэрбумыг төлбөр жилд 1.5 тэрбум долларыг төлөх ёстой байсан бол үүнийг $900 сая болгож бууруулжээ