Танайд хоноё нэвтрүүлэг өнгөрсөн долоо хоногийн дугаартаа Шарк нэрээрээ танил болсон Ганибалын Амартүвшингийнд хоносон юм. Хас банк, Хөгжлийн банкийг удирдаж байсан Г.Амартүвшинг Монголчууд аугаа Бямбын Ринченгийн удам гэдгийг гадарладаг. Гэхдээ залуухан бас царайлаг Шарк маань тэр бүр хувийн амьдралаа дэлгээд байдаггүй. Тийм болохоор энэ удаагийн Танайд хоноё нэвтрүүлэг үзэгчдэд тун сонин байсан нь гарцаагүй биз.

Шаркын эхнэрийн энгийн дарууг харсан зарим үзэгчид “Шаркыг мисс эхнэртэй гэж бодож байтал ясан сайхан даруухан эмэгтэй вэ” хэмээн уулга алдсан бол ганц бие биш гэдгийг нь мэдсэн зарим бүсгүйчүүд халагласан сурагтай. Амартүвшин шаркын буурал өвөө нь нэрт эрдэмтэн Бямбын Ринчен байсныг хүн бүр мэдэх байх. Тэгвэл түүний өвөө нь Улс төрийн товчооны нарийн бичгийн даргаар ажиллаж байсан Нямын Жагварал харин эмээ нь бүх л насаа Монголын хөдөө аж ахуйн салбарын хөгжилд зориулсан Ринчений Индра гуай юм байна. Харин түүний эцэг Ганибал гуай насаараа дипломат албанд зүтгэсэн, хуучин цагийн жинхэнэ төрийн хар хүн билээ.             

Эцэст нь нэмэхэд Амартүвшин шарк улс төрд орох шийдвэр гаргаж, энэ жилийн УИХ-ын сонгуульд гал гарна хэмээн таамаглаж байгаа Хан-Уул дүүрэгт өрсөлдөх гэж байгаа аж. Удамт хүний үр, угшилт гүүний унага гэдэг дээ. Бизнесийн ертөнцөд шарк байсан Амартүвшин захирал улс төрд ч аварга загас байх уу гэдгийг харах л үлдлээ.